Dikt i utval

Dikt i utval samlar meir enn 250 dikt av Sigmund Skard. Utvalet er gjort av forfattaren i samarbeid med Halldis Moren Vesaas.

Kring 1930 trykte avisa Den 17de Mai fleire anonyme dikt under ein liten, svart trekant som signatur, noko som seinare viste seg å vere diktarmerket hans. Den formelle bokdebuten kom i USA i 1942 med samlinga For Norge, og i krigsåra vart lyrikken hans kjend for eit breiare publikum, mellom anna då diktet om Telavåg vart lese i radioen frå London.

Boka femner om tekstar frå heile forfattarskapen fram til samlinga Atterklang frå 1987. Dikta omfattar inntrykk frå reiser og møte med andre kulturar, så vel som kjærleiksdikt skrivne gjennom eit langt samliv, og tekstar om å kjenne alderdommen nærme seg.